Konferenca mjekësore ne Gjermani
Në Konferencën mjekësore interdisiplinare të organizuar nga Shoqata e Mjekëve Shqiptarë në Gjermani në bashkëpunim me Lidhjen e Mjekëve Shqiptarë në Zvicërr të mbajtur më 21.05.2022 në Mynih ishin pjesëmarrës edhe dy përfaqësues te Shoqatës së Mjekëve Shqiptarë në Austri, Dr. Arben Susuri dhe Dr. Gazmend Cecelia. Në këtë Konferencë në takimet e ndërsjella ndër të tjera u eksploruan mundësit e bashkëpunimit në mes shoqatave të mjekëve shqiptarë në Evropë dhe më gjerë.
Kongresi klinik ne Prishtine
Në Kongresin e Dytë Klinik të Kolegjit të Kirurgëve të Kosovës të organizuar ne Prishtinë prej 15-18 shtator 2022, Prof. Dr. Emir Haxhija ishte i ftuar si Ligjërues Ndërkombëtar. Për kontributin e tij në fushën e Kirurgjisë dhe për mbështetjen e vazhdueshme të Shëndetësisë së Kosovës atij i është ndarë Qmimi “Udhëheqja përmes Shembullit” nga ana e Kryetarit të Kolegjit të Kirurgëve të Kosovës, njëkohësisht Ministrit të Shëndetësisë së Kosovës, Prof. Dr. Rifat Latifi. Fjalimin prezentues për Prof. Dr. Emir Haxhija e mbajti Prof. Dr. Nexhmi Hyseni, ish-drejtori i repartit per Kirurgji Pediatrike në QKUK. I pranishëm ne foto është edhe Dr. Pleurat Sejdiu, kryetari i Odës së Mjekëve të Kosovës.
