Informacione në lidhje me procesin e pranimit në mjekësi në universitetet austriake
Dëshiron të bëhesh mjek?
Me
një përgatitje të mirë për provimin pranues në Austri (MedAT), edhe ti mund të
arrish këtë qëllim!
Informacionet kryesore në një vështrim
Datat e rëndësishme
- Periudha e regjistrimit: Nga fillimi deri në fund të marsit
- Dita e provimit: Zakonisht e premtja e parë e korrikut
- Rezultatet: Nga java e 32-të e kalendarit (fillimi i gushtit)
Struktura e provimit
1. Testi
i njohurive bazë për studimet mjekësore (BMS) – 40 %
Pjesa më e madhe e pyetjeve janë në nivelin e shkollës së
mesme dhe përfshijnë lëndë shkencore:
- Biologji:
40 pyetje
- Kimi:
24 pyetje
- Fizikë:
18 pyetje
- Matematikë:
12 pyetje
2. Kuptimi i tekstit (TV) –
10 %
Vlerësohet
aftësia për të lexuar dhe kuptuar përmbajtjen e teksteve, zakonisht shkencore.
3. Aftësitë dhe shkathtësitë
kognitive (KFF) – 40 %
- Formimi
i figurave: 15 detyra
- Kartat
e alergjisë: 25 detyra
- Seritë
numerike: 10 detyra
- Njohja
e implikimeve: 10 detyra
- Fjalët:
15 detyra
4. Kompetencat
socio-emocionale (SEK) – 10 %
- Rregullimi
i emocioneve: 12 detyra
- Njohja
e emocioneve: 14 detyra
- Vendime
sociale: 14 detyra
Sa mirë duhet të performosh për të fituar një vend studimi?
Në
MedAT 2024, aplikuan 15.158 persona për 1.900 vende studimi, që do të thotë
mesatarisht 1 në 8 persona arriti një vend. Meqë rreth 20 % e të regjistruarve
nuk morën pjesë në provim, mundësitë reale u rritën në 1 në 6,3.
- Vjenë:
8.441 aplikantë, rreth 810 vende – mundësi: 9,6 %.
- Graz:
2.683 aplikantë, rreth 420 vende – mundësi: 15,7 %.
- Innsbruck:
2.331 aplikantë, rreth 400 vende – mundësi: 17,2 %.
- Linz:
1.703 aplikantë, rreth 270 vende – mundësi: 15,9 %
7 hapa për një përgatitje të suksesshme për MedAT
1. Planifiko procesin e mësimit herët
- Menaxhimi
i kohës:
Përgatit një plan të detajuar që mbulon të gjitha pjesët e provimit. Vendos qëllime realiste ditore dhe javore. Në internet mund të gjesh plane të gatshme për 50 ose 100 ditë, ose krijo një plan të personalizuar që përshtatet me nevojat e tua. - Fillimi
i hershëm:
Sa më shpejt të fillosh, aq më shumë kohë ke për përsëritje dhe faza intensive të ushtrimeve. Përsëritja është çelësi për një përgatitje të suksesshme. Sidomos tek nënseksionet si kuptimi i tekstit dhe aftësitë kognitive, përmirësimi është i ndjeshëm dhe mund të të japë një avantazh të madh ndaj konkurrentëve.
2. Përdor materiale cilësore për të mësuar
- Librat shkollorë dhe skriptet:
Përdor materiale të dëshmuara për biologjinë, kiminë, fizikën dhe matematikën. Përmbajtja zakonisht është në nivelin e shkollës së mesme, por përsëritja është thelbësore. Në internet ka skripte të ndryshme, dhe kombinimi i disa burimeve të zgjedhura mirë, është shumë i dobishëm. - Pyetësorë dhe simulime:
Puno me katalog pyetjesh dhe simulime të provimit. Kjo të ndihmon të familjarizohesh me strukturën e testit dhe menaxhimin e kohës. Shumë pyetje ushtrimore janë të disponueshme falas në faqet e internetit të ofruesve të materialeve të studimit, zakonisht pasi të regjistrosh një adresë emaili. - Aplikacione dhe burime online:
Platforma interaktive ofrojnë mënyra efikase për përgatitjen e testeve konjitive dhe kompetencave sociale. Aplikacione si MedAT 2 go ofrojnë ushtrime ditore nën presion kohe.
3. Përqendrohu në aftësitë kognitive
Ky është një nga seksionet më sfiduese për shumëkënd, por
gjithashtu ofron mundësinë më të mirë për të grumbulluar pikë. Çelësi
i suksesit është ushtrimi i vazhdueshëm!
- Trajnimi nën presion kohe:
Vendos kohë të caktuara për detyra si seritë numerike, formimi i figurave ose ushtrimet e memories. - Trajnimi i trurit:
Përdor aplikacione që përmirësojnë aftësitë si rrjedhshmëria e fjalëve ose llogaritjet matematikore të thjeshta nën presion kohe. Me praktikë të përditshme dhe rutinë, do të vëresh një përmirësim të ndjeshëm në testet e ushtrimit. - Teknika dhe strategji mësimi:
Mëso teknika dhe strategji të ndryshme, duke eksperimentuar fillimisht për të gjetur ato që funksionojnë më mirë për ty. Pastaj, përvetësoji dhe ushtroji rregullisht.
4. Forco njohuritë në shkencat
natyrore
- Temat kryesore:
Përqendrohu në përmbajtjet kryesore si biologjia qelizore, reaksionet kimike, rregullat themelore të mekanikës dhe llogaritjet probabilistike. Lista e fjalëve kyçe, e cila përditësohet çdo vit, është një burim i rëndësishëm. Mund ta gjesh në faqen: https://vmc.medunigraz.at. - Partnerët
e studimit:
Puno në grupe studimi – pyetjet dhe shpjegimet reciproke forcojnë njohuritë. Përgatitja me një partner ose grup konkurrues do të të ndihmojë të arrish formën më të mirë.
5. Përgatitu për kompetencat
socio-emocionale
- Mëso rreth emocioneve:
Kuptimi dhe përkufizimi i emocioneve është i rëndësishëm për këtë nënseksion. - Përdor ushtrime nga ofrues të ndryshëm:
Ushtrimet për këtë pjesë janë më të rralla, por shumë të dobishme për të krijuar një ndjenjë të detyrave. - Strategji të veçanta:
Modelet si stadi i zhvillimit moral sipas Kohlberg janë një sekret i vogël për të përmirësuar performancën. Pasi t’i kuptosh këto nivele, mund të arrish pothuajse pikët maksimale në këtë seksion.
6. Simulo ditën e provimit
- Simulime
të provimit:
Kryej disa simulime të plota të MedAT nën presion kohe. Ata që kryejnë më shumë se 10 simulime kanë një fokus më të madh ditën e provimit. - Ambient
i provimit:
Puno në një ambient të qetë dhe të ngjashëm me atë të ditës së testit. Në YouTube dhe Spotify, mund të gjesh simulime me tinguj të mjedisit të provimit.
7. Ruaj një stil jetese të shëndetshëm
- Stil
i shëndetshëm jetese:
Kujdesu për një dietë të balancuar dhe menaxhimin e energjisë gjatë fazës së përgatitjes. - Gjumi:
Ruaj një ritëm të mirë gjumi për të forcuar kujtesën dhe për të pasur energji për të përmbushur planin ditor të studimit. - Aktiviteti
fizik:
Integro lëvizjen në përditshmëri – ecja, futbolli ose sportet e tjera përmirësojnë qarkullimin e gjakut dhe reduktojnë stresin në mënyrë natyrale. - Qëndrim
pozitiv:
Beso në aftësitë e tua dhe shijo procesin! Një qëndrim pozitiv do të pasqyrohet në rezultate dhe do të të japë avantazh ndaj konkurrentëve.
Me disiplinë, përgatitje të mirë dhe një qëllim të qartë, MedAT
mund të jetë hapi yt drejt mjekësisë. Suksese!